काठमाडौं । नेपाली कांग्रेस कोशी प्रदेश सरकारबाट बाहिरिएको छ। कोशीमा मन्त्री रहेका कांग्रेस नेताहरूले बुधबार सामूहिक रूपमा मुख्यमन्त्री हिक्मत कार्कीसमक्ष राजीनामा बुझाएका छन्।
कांग्रेस २०८१ भदौ २ गते कोशी प्रदेश सरकारमा सहभागी भएको थियो । एमाले र नेकपाले साउन ९ मा प्रदेश सरकारहरू मिलेर चलाउन ३ बुँदे सहमति गरेपछि एमाले र कांग्रेसबीचको सहकार्य टुटेको थियो।
कांग्रेसका मन्त्रीहरू बाहिरिएपछि अब कोशी सरकारमा नेकपाको प्रवेश हुनेछ । अहिले कोशीमा कांग्रेसबाट भौतिक पूर्वाधार विकासमन्त्री प्रदीप सुनुवार, स्वास्थ्यमन्त्री मानबहादुर लिम्बू, उद्योग, कृषि तथा सहकारीमन्त्री इस्राइल मन्सुरी, पर्यटन, वन तथा वातावरणमन्त्री भीम पराजुली र भौतिक पूर्वाधार विकास राज्यमन्त्री शोभा चेम्जोङ सरकारमा थिए। उनीहरूले सामूहिक राजीनामा मुख्यमन्त्रीलाई बुझाएका हुन्।
