काठमाडौं । विभिन्न राजनीतिक समूहहरू मिलेर बनेको प्रगतिशील लोकतान्त्रिक पार्टी (प्रलोपा) औपचारिक रूपमा विभाजित भएको छ। पार्टीभित्रको वैचारिक र सांगठनिक मतभेदका कारण एकीकृत रूपमा अघि बढ्न नसक्ने निष्कर्ष निकाल्दै दुई अध्यक्ष दुर्गा सोब र सन्तोष परियार पक्षबीच ८ बुँदे सहमति भएसँगै पार्टी फुटेको हो।
सहमति अनुसार दुर्गा सोबको नेतृत्वमा रहने पक्षले नेसपाको नाममा पार्टीको नाम र ुआँखाु निर्वाचन चिन्ह कायम राख्नेछ भने सन्तोष परियारको नेतृत्वले प्रलोपाकै नाममा छुट्टै निर्वाचन चिन्ह र तीन रङको झण्डा प्रयोग गर्ने निर्णय गरेको छ।
२०८२ मंसीरमा एकीकृत भएको यो पार्टीले सम्पत्ति र दायित्व पनि आपसी समझदारीमा बाँडफाँड गर्ने र निर्वाचन आयोगमा रहेको पुरानो निवेदन फिर्ता लिने सहमति गरेको छ। एक–अर्काको राजनीतिक अस्तित्वलाई सम्मान गर्दै अलग भएका दुवै समूहले सुशासन र संघीयता जस्ता राष्ट्रिय मुद्दामा भने भविष्यमा सहकार्य गर्ने प्रतिबद्धता जनाएका छन्।
