ढोरपाटन । बागलुङको ढोरपाटन नगरपािलका वडा नम्बर ९ की १९ वर्षीय तपश्या विकको शव फेला परेको छ ।
गत साउन १९ गते घरदेखि सम्पर्कबिहीन भएकी तपश्याको मंगलबार ढोरपाटन नगरपालिका वडा नम्बर ७ ढाडबोट भुजीखोलामा शव फेला परेको इलाका प्रहरी कार्यालय बुर्तिबाङका प्रहरी निरीक्षक तिलक मानन्धरले जानकारी दिए ।
उनका अनुसार बेपत्ता भएकी विकको दाईले शवको पहिचान गरेका थिए । प्रहरी अहिले घटनास्थलमा पुगेर मुचुल्का उठाउने काम गरिरहेको बताइएको छ ।
