काठमाडौं । प्रमुख प्रतिपक्षी दल नेकपा एमालेका अध्यक्ष केपी शर्मा ओलीले नक्कली भुटानी शरणार्थी प्रकरणमा मुछिएका आफ्ना पार्टीका नेता टोपबहादुर रायमाझी फरार होलान् भनेर आफूले नसोचको बताएका छन् ।
बिहीबार च्यासलस्थित पार्टी मुख्यालयमा केन्द्रीय कमिटीको बैठकलाई सम्बोधन गर्दै अध्यक्ष ओलीले आफू उपस्थित भएर कानुनलाई सघाउँछु भनेका रायमाझी फरार होलान् भनेर आफूले नसोचेको बताएका हुन् ।
प्रहरीले अभद्र व्यवहार गर्न खोज्यो, त्यसैले अदालतमै उपस्थित हुने विचार गरेँ भनेर उहाँले भन्नुभएको थियो भन्ने सुनेँ । हामीले सचिवालय बैठकबाट कानुनलाई सघाउँछु भनेर राम्रो गर्नुभएको थियो । तर, बीचमा तपाईंले कानुनलाई सघाएको देखिएन, फरार भएको देखियो । अब तपाईं आफू कानुनसमक्ष प्रस्तुत हुनुस्, प्रहरीमा हाजिर हुनुस् र सामना गर्नु भनेका छौँ, उनले भने, टोपबहादुरजी बाहिर यसरी जानुहुन्छ भन्ने सोचेको थिइनँ ।
