पश्मिना व्यवसायी पुष्पमान श्रेष्ठको निधन भएको छ । डेंगी भएपछि नर्भिक अस्पतालमा उपचार गराइरहेका श्रेष्ठको शुक्रबार ७४ वर्षको उमेरमा निधन भएको हो । २००६ सालमा बागलुङमा जन्मेका श्रेष्ठ काठमाडौंमा पश्मिना व्यवसाय गर्दै आएका थिए ।
२०२३ सालमा विद्यामन्दिर माध्यमिक विद्यालयबाट एसएलसी उत्तिर्ण गरेका उनी हटियाको गलकोट माध्यमिक विद्यालय र बुर्तिबाङ बजारमा रहेको उत्तर गंगा माध्यमिक विद्यालयमा अध्यापन गराएका थिए ।
सानैदेखि बागलुङ बजार, गलकोट र बुर्तिवाङमा वामपन्थी विचारधाराको प्रचारमा श्रेष्ठको महत्वपूर्ण भूमिका रहेकाे छ ।
