बागलुङ । बागलुङको बडिगाड गाउँपालिका–१ मा ८ दिनदेखि बेपत्ता रहेका लजिन थापा मृत अवस्थामा फेला परेका छन् ।
साउन १ गते साँझ करिब ८ बजे घरनजिकै साथीको जन्मदिन मनाउन जाने भन्दै घरबाट निस्किएका थापा आज मृत फेला परेका हुन् ।
घटनाको जानकारी प्राप्त भएपछि इलाका प्रहरी कार्यालय गलकोटका प्रमुख प्रहरी निरीक्षक डम्बरबहादुर बोहराको नेतृत्वमा प्रहरी टोली घटनास्थलतर्फ गएको छ ।
प्रहरीले थापासँग जन्मदिन मनाउन गएका चार जना साथीलाई नियन्त्रणमा लिएर घटनाबारे थप अनुसन्धान गरिरहेको जिल्ला प्रहरी कार्यालय बागलुङका डिएसपी रामेश्वर त्वातिले जानकारी दिए । प्रहरी घटनास्थलमा पुगेको र घटनाको अनुसन्धानपछि मात्रै मृत्युको कारण खुल्ने बताए ।
