सांकेतिक तस्बिर
काठमाडौं । बागलुङ जिल्लाका दुई वटा पालिकामा ७ वर्षीया बालिकामाथि जबरजस्ती करणी गरेको आरोपमा प्रहरीले दुई जनालाई पक्राउ गरेको छ। जिल्ला प्रहरी कार्यालय बागलुङका अनुसार बडिगाड गाउँपालिका वडा नं. ७ बस्ने ५९ वर्षका कुल बहादुर गुरुङले ७ वर्षीया बालिकालाई जबरजस्ती करणी गरेका हुन् ।
आरोपित गुरुङलाई प्रहरीले पक्राउ गरी थप अनुसन्धान अगाडि बढाएको छ। यस्तै, निसिखोला गाउँपालिका वडा नं. ७ बस्ने ५९ वर्षीय देवबहादुर कुँवरलाई पनि प्रहरीले पक्राउ गरेको छ । असार ३२ गते स्थानीय ७ वर्षीया बालिकालाईलाई जबरजस्ती करणी गरेको आरोपमा प्रहरीले उनलाई पक्राउ गरेको हो । यस विषयमा प्रहरीले थप अनुसन्धान गरिरहेको बताएको छ ।
