बडिगाड । बागलुङको बडिगाड गाउँपालिका-८, भिरनेपानेमा शनिबार एक ३ वर्षीय बालकको ९०० मिटर गहिरो भीरको खोचबाट सकुशल उद्धार गरिएको छ। घर नजिकै खेल्ने क्रममा अचानक बेपत्ता भएका बालक संयोग बिकलाई लामो समयको खोजिपछि भीरको डरलाग्दो खोचमा अड्किएको अवस्थामा फेला पारिएको थियो।
घटनाको खबर भएपश्चात स्थानीयहरू उद्धारका लागि घटनास्थलमा पुगेका थिए । तर अत्यन्तै जोखिमपूर्ण र अप्ठ्यारो भीरको खोचमा बालक फसेकाले उद्धार कार्यमा समस्या भएपछि सशस्त्र प्रहरी बलको सहयोगमा बालकको सकुशल उद्धार गरिएको बडिगाड गाउँपालिकाका निर्वतमान अध्यक्ष मेयरसिंह पाइजाले जानकारी दिए ।
