काठमाडौं । इन्डियन आइडल सीजन३ का विजेता नेपाली मूलका भारतीय गायक प्रशान्त तामाङको निधन भएको छ । आइतवार बिहान ११ बजेपछि केही सञ्चारकर्मी तथा उनका निकटका साथीहरुले सामाजिक सञ्जालमा उनको निधन भएको खबर सार्वजनिक गरेका छन् ।
उनका नजिकका साथी राजेश घतानीले लेखेका छन्– ‘हे भगवान, के सुन्न पर्यो । हार्दिक श्रद्धाञ्जली प्रशान्त भाइ ।’
सामाजिक सञ्जालमा उल्लेख भए अनुसार ४३ वर्षीय तामाङको निधन हृदयघातका कारण भएको हो । भनिन्छ, तामाङको भारतको राजधानी नयाँ दिल्लीस्थित निवासमै हृदयाघातका कारण निधन भएको हो ।
