बागलुङ । रक्तिम साँस्कृतिक अभियान ढोरपाटन नगर समितिले तयार पारेको ‘प्राण भन्दा प्यारो लाग्छ नेपालको माटो, विरताको स्वाभिमानले देखाएको बाटो’बोलको गीत विमोचन गरिएको छ ।
रक्तिम साँस्कृतिक अभियानका केन्द्रिय सचिव तथा बागलुङका अध्यक्ष सहविन अर्गेजाको स्वर, दानबहादुर थापाकाे शब्द र सौगात सायरको संगीत रहेको गीत शुक्रबार सार्वजनिक गरिएको हो । बुर्तिबाङ बजारमा एक कार्यक्रमको आयोजना गरी राष्ट्रिय जनमोर्चाका केन्द्रीय सदस्य गौरीश्वर पाण्डेले गीतको विमोचन गरेका हुन् ।
रक्तिम ढोरपाटन नामक युट्यव च्यानलबाट सार्वजनिक गरिएको गीतको छायांकन ढोरपाटन उपत्यका आसपासमा गरिएको छ । गीतले नेपाली राष्ट्रियता तथा स्थानीय संस्कृतिप्रति सकारात्मक सन्देश प्रवाह गर्न खोजेको छ ।
