जनकपुरधाम । सामाजिक सद्भावमा खलल पुर्याउने आठजनालाई प्रहरीले पक्राउ गरेको छ । शुक्रबार सिरहाबाट पाँच र धनुषाबाट तीनजनालाई प्रहरीले पक्राउ गरेको हो ।
उनीहरूले सामाजिक सञ्जालमार्फत हिंसा भड्काएको आरोप छ । यसअघि सर्लाहीमा बाहिरबाट आएर प्रर्दशन गर्न खोज्दा पाँचजनालाई नियन्त्रणमा लिएर स्थानीयले प्रहरीलाई बुझाएका थिए ।
मधेस प्रदेशमा हिंसात्मक गतिविधि रोक्न धनुषा, सप्तरी, सिरहामा कर्फ्यु लगाइएको छ भने पर्सामा निषेधाज्ञा छ । प्रहरीको उच्च अधिकारीहरू मधेस प्रदेशमा खटिएका छन् भने प्रतिनिधिसभा सदस्यहरू पनि मधेसमा आएर हिंसा रोक्न पहल गरिरहेका छन् ।
