काठमाडौं । नेपाली कम्युनिस्ट पार्टीकाले आगामी फागुन २१ गते हुने प्रतिनिधिसभा निर्वाचनमा गोरखा-२ बाट पूर्वविद्यार्थी नेता लेखनाथ न्यौपानेलाई उम्मेदवार बनाउने निर्णय गरेको छ। नेकपाका संयोजक पुष्पकमल दाहाल प्रचण्डले न्यौपानेलाई उम्मेदवारको टिकट प्रदान गरेका हुन्।
पहिलोपटक प्रतिनिधिसभा निर्वाचन लड्न लागेका न्यौपाने अखिल क्रान्तिकारीका पूर्वअध्यक्ष हुन्। इमानको राजनीति गर्दै आएका न्यौपानले संयोजक प्रचण्डका पनि आलोचक मानिन्छन्।
प्रचण्डले आफूले छाडेको गोरखा-२ बाट न्यौपानलेलाई उम्मेदवार बनाउने निर्णय गरेका हुन्। ०७९ को निर्वाचनमा गोरखा २ बाट चुनाव जितेका प्रचण्ड आगामी निर्वाचनमा भने रुकुमपूर्वबाट निर्वाचन लड्ने टुंगो लागेको छ।
नेकपाले गोरखा क्षेत्र नम्बर १ मा हरिराज अधिकारी र २ मा न्यौपानेलाई उम्मेदवार बनाएको हो।
