बडिगाड । नेपाल कम्युनिष्ट पार्टी माओवादी केन्द्र बडिगाड गाउँकमिटीको दोस्रो सम्मेलन सम्पन्न भएको छ । शुक्रबार सम्पन्न अधिवेशनमा मिलन रेश्मीको अध्यक्षतामा २९ सदस्यीय गाउँकमिटी चयन भएका छन् । जसको उपाध्यक्षमा पवित्रा थापा, विरेन्द्रकुमार बुढा, तिलबहादुर खत्री, सचिवमा नरिश्वर घिमिरे, सहसचिवमा मिसन थापा र कोषाध्यक्षमा टिपुरे सुनार चयन भएका छन् ।
अधिवेशनका क्रममा नेकपा एमाले जिल्ला सदस्य नरबहादुर क्षेत्री माओवादी केन्द्रमा प्रवेश गरेका छन् । उनीसँगै पुरन रेश्मी, भैराम थापा ,कोपिल छन्त्याल र दिपक छन्त्याल पनि माओवादी केन्द्रमा प्रवेश गरेको माओवादी केन्द्र गण्डकी प्रदेशका उपाध्यक्ष ज्ञामनाथ गैरेले जानकारी दिए । गैरेका अनुसार नवप्रवेशीलाई पार्टीको विभिन्न तहमा जिम्मेवारी दिइने भएको छ ।
कार्यक्रममा नेकपा माओवादी केन्द्रका केन्द्रीय सदस्य कृष्ण केसी, चन्द्र बुढा सागर, गण्डकी प्रदेशका उपाध्यक्ष ज्ञामनाथ गैरे, प्रदेश सचिवालय प्रेमबहादुर घर्तीमगर, प्रदेश सदस्य प्रकाश घर्तीमगरलगायतको उपस्थिति रहेको थियो ।
