काठमाडौं । नेकपा एमाले सिराहामा आवद्ध दुई जना संघीय साँसदसहित ६ जनाले साधारण सदस्यसमेत नरहने गरी पार्टीबाट राजिनामा दिएका छन् ।
पार्टीलाई सही मार्गमा ल्याउन सुधारको लागि पटक पटक रचनात्मक सुझाव दिंदा पनि नेतृत्व तहबाट कुनै सुनुवाइ नभएको, इमान्दार कार्यकर्तालाई निरुत्साहित गर्ने प्रवृति मौलाएको र बिचारभन्दा व्यक्तिको बर्चस्व हावी भएको भन्दै उनीहरुले पार्टीबाट राजिनामा दिएका हुन् ।
प्रेस विज्ञप्ती जारी गर्दै निवर्तनमान संघीय साँसदद्वय जानकीदेवी राम र सम्झना थपलिया, जिल्ला सचिवालय सदस्य फुलेश्वर नायक, नेपाल उद्योग व्यवसायी महासंघ जिल्ला अध्यक्ष पशुपति साह, नगर समिति सदस्य लक्ष्मण यादब र वडा नम्बर ९ का समिति सदस्य विरेन्द्रकुमार सिंहले पार्टीको साधारण सदस्य नरहने गरी राजिनामा दिएका छन् ।
