कास्की । जिल्ला प्रहरी कार्यालय, कास्कीको मुद्दा फाँटमा कार्यरत प्रहरी वरिष्ठ हवल्दार विष्णु थापा क्षेत्री घुसको रकमसहित पक्राउ परेका छन् ।
उनले लागूऔषध मुद्दामा सहजीकरण गरिदिने भनेर सेवाग्राहीसँग घुस मागेको सूचना र उजुरीपछि अख्तियार दुरुपयोग अनुसन्धान आयोगले निण्न्त्रणमा लिएको हो ।
आयोगको कार्यालय, पोखराबाट खटिई गएको टोलीले प्रहरी वरिष्ठ हवल्दार क्षेत्रीलाई सेवाग्राहीबाट ५० हजार रुपैयाँ घुस लिइसकेको अवस्थामा रकमसहित शनिबार नियन्त्रणमा लिई थप अनुसन्धान भइरहेको प्रवक्ता सुरेश न्यौपानेले जानकारी दिए ।
