काठमाडौं । रास्वपा सांसद असिम शाहले सांसद पदबाट राजीनामा दिएका छन् । उनले आज विज्ञप्ति जारी गर्दै आफूले राजीनामा दिएको जानकारी दिएका हुन् ।
शाहले जेनजी आन्दोलनलाई सरकारले गरेको दमन, शान्तिपूर्ण प्रदर्शनमा गोली चलाएको घटना र नागरिक अधिकारमाथि भएको हस्तक्षेप आफ्नो विवेक र जनताप्रतिको उत्तरदायित्व विपरीत भएको भन्दै पदत्याग गर्ने निर्णय गरेको बताएका छन् ।
‘मैले पटक–पटक सदनमा युवाको आवाज बोलेँ, चेतावनी दिएँ— सडक विद्रोह हुन सक्छ, यदि युवाको भावना बुझिएन भने । तर, सरकार चलाउनेहरूले कहिल्यै सुन्न चाहेनन्, कहिल्यै गम्भीरतापूर्वक लिन चाहेनन्,’ विज्ञप्तिमा भनिएको छ ।
शाहका अनुसार, संसदमा्मा बसेर चुप लाग्नु वा गलत नीतिहरूलाई मौन समर्थन गर्नु आफ्ना मतदाता र देशको भविष्यसँग विश्वासघात हुने भएकाले राजीनामा दिनुपरेको उनको भनाइ छ ।
