काठमाडौं । सिन्धुलीको दुधौली नगरपालिका–१ का खिलबहादुर भुजेललाई भारत पुर्याएर मिर्गौला तस्करी गर्ने गिरोहका एक जना पक्राउ परेका छन् ।
स्रोतका अनुसार भुजेललाई काठमाडौंबाटै सुनौली नाका हुँदै भारत पुर्याउने तथा ल्याउने नुवाकोटका समीर परियार पक्राउ परेका हुन् । उनले एक जना व्यक्ति बराबर ५० हजार रुपैयाँ कमिसन लिने गरेको खुलेको छ ।
मानव बेचबिखन अनुसन्धान ब्युरोका प्रवक्ता प्रहरी उपरीक्षक नरेन्द्र कुँवरले पनि एक जनालाई नियन्त्रण लिएर अनुसन्धान थालिएको पुष्टि गरे ।
खिलबहादुरले सुरुमा आफूलाई पोखराबाट अपहरण गरी भारत लगिएको भने पनि अनुसन्धानका क्रममा भने उनलाई काठमाडौंबाटै फकाई फुलाई सुनौली नाका हुँदै भारती पुराइएको पाइएको खिलबहादुरका दाइ मानबहादुर भुजेलले बताए ।
