काठमाडौं । श्रम कार्यालय धनगढीका अधिकृत ढकालमाथि अकुत सम्पत्ति र ‘क्यूआर कोड’ बाट घुस लिएको आरोप, प्रधानमन्त्री कार्यालयमा उजुरीलगायतका शीर्षकमा न्यूज खरीबाट प्रकाशित समाचारको खण्डन गरिएको छ । प्रेस काउन्सिलमा उजुरी दिएका शाखा अधिकृत प्रदीप ढकाल र नायब सुब्बा रामप्रसाद पोखरेलले न्यूज खरीमा प्रकाशित सोही समाचारहरु खण्डन गरेका हुन् ।
अधिकृत ढकाल र सुब्बा पोखरेलले न्यूजखरी डटकममा प्रकाशित समाचारहरू नियोजित रूपले प्रायोजित, कपोलकल्पित र भ्रामक भएको दाबी समेत गरेका छन् ।
यसले आफू र आफ्नो परिवारको मानमर्यादा तथा मानसिक स्वास्थ्यमा गम्भीर आँच पुर्याएको उनीहरूको भनाइ छ । सोही विषयमा न्यूज खरी डटकमले आवश्यक प्रमाणहरु प्राप्त गरेपछि ती विषयका समाचारहरु क्रमशः प्रकाशित गर्दै आएको छ ।
प्रकाशित समाचारहरू
शाखा अधिकृत ढकाल र नासु पोखरेलविरुद्ध अख्तियारमा उजुरी : २० करोड अकुत सम्पत्ति आर्जन गरेको दाबी
शाखा अधिकृत ढकालको सेटिङ : पोखरासँगै काम गरेका नासुको पनि आफूसँगै सरुवा
