रुपन्देही । सेवाग्राहीसँग रकम लिँदै गरेको अवस्थामा भूमिसुधार तथा मालपोत कार्यालय तौलिहवाका नायब सुब्बा नरहरि खनाल रंगेहात पक्राउ परेका छन् ।
अख्तियार दुरुपयोग अनुसन्धान बुटवल कार्यालयको टोलीले घुस रकमसहित उनलाई पक्राउ गरेको हो ।
खनाललाई ३० हजार नगद घुससहित सोमबार पक्राउ गरेको अख्तियारले जनाएको छ । नायब सुब्बा जग्गा नामसारी गर्न सहजीकरण गरिदिने भन्दै सेवाग्राहीबाट नगद घुस लिँदैगर्दा पक्राउ परेका हुन् ।
अख्तियार प्रवक्ता नरहरि घिमिरेले खनाललाई पक्राउ गरी अनुसन्धान थालिएको जनाएका छन् । अख्तियार टोलीले उनलाई बुटवलस्थित कार्यालय लिएर अनुसन्धान अघि बढाएको छ ।
