काठमाडौं । प्रहरीले आँखामा खुर्सानीको धुलो हालेर लुटपाट गर्ने दुई जनालाई पक्राउ गरेको छ । काठमाडौंको सुकेधारामा आँखामा खुर्सानीको धुलो हालेर लुटपाट गरेर फरार रहेका दुई जनालाई प्रहरीले पक्राउ गरेको हो ।
फरार रहेका गणेश कार्की र विष्णु गुरुङलाई पक्राउ गर्न खोज्दा उनीहरूले प्रहरीलाई समेत आँखामा खुर्सानीको धुलो हालिदिएका थिए । उनीहरूलाई जिल्ला प्रहरी परिसर काठमाडौंले नियन्त्रणमा लिएको हो ।
उनीहरूको साथबाट १ थान मोबाइल, १ थान खुकुरी र सिक्री बरामद भएको प्रहरीले जनाएको छ । पक्राउ परेकामध्ये कार्की आपराधिक गतिविधिमा पटक-पटक पक्राउ परेको खुलेको छ ।
उनी २०६४ देखि २०७८ सम्म विभिन्न मुद्दामा थुनामा रहेका थिए। उनले आफूलाई प्रहरी भन्दै लागुऔषध समेत पटक-पटक लुटपाट गरेका थिए ।
