काठमाडौं । दक्षिण इरानको विद्यालयमा इजरायलले गरेको आक्रमणमा कम्तीमा ५१ जनाको मृत्यु भएको छ ।
इरानको समाचार एजेन्सी ‘इरना’का अनुसार, दक्षिण इरानी सहर मिनावस्थित छात्राहरूको एउटा प्राथमिक विद्यालयमा भएको इजरायली आक्रमणमा ज्यान गुमाउनेको संख्या ५१ पुगेको छ । ६० जना घाइते भएका छन् ।
सरकारी अधिकारी मोहम्मद रादमेहरलाई उद्धृत गर्दै उक्त एजेन्सीले जनाए अनुसार इजरायलले आज बिहान विद्यालयमा आक्रमण गरेको थियो ।
उनका अनुसार आक्रमण हुँदा विद्यालयमा १७० जना विद्यार्थी थिए । उद्धार कार्य जारी रहेकाले मृतकको संख्या अझै बढ्न सक्ने सम्भावना रहेको उनले बताए ।
