बागलुङ । बागलुङ नगरपालिकाले वर्तमान जनप्रतिनिधिहरूले पदभार सम्हालेको चार वर्ष पूरा भएको अवसरमा जेठ ६ गते सार्वजनिक बिदा दिने निर्णय गरेको छ ।
नगर कार्यपालिकाको कार्यालयद्वारा जारी सूचनाअनुसार “विकास र समृद्धिको यात्रामा हाम्रो चार वर्ष” विषयक कार्यक्रम आयोजना गरिने भएकाले उक्त दिन नगरपालिका कार्यालय, मातहतका वडा कार्यालय, स्वास्थ्य संस्था तथा शैक्षिक संस्थाहरूमा स्थानीय बिदा रहनेछ ।
नगरपालिकाले कार्यपालिकाको निर्णयअनुसार बिदा घोषणा गरिएको जनाएको छ । नगरपालिकाका प्रमुख प्रशासकीय अधिकृत ईश्वरी प्रसाद शर्मा द्वारा जारी सूचनामा सार्वजनिक सेवा प्रवाहमा पर्न सक्ने असुविधाप्रति सेवाग्राहीसँग क्षमायाचना समेत गरिएको छ ।
