काठमाडौं । अमेरिकाले हवाई आक्रमण गरी भेनेजुएलाका राष्ट्रपति निकोलस मादुरो समातेपछि अमेरिकी राष्ट्रपति डोनाल्ड ट्रम्पले अमेरिकाले सुरक्षित, उचित र विवेकपूर्ण संक्रमण सुनिश्चित नगरेसम्मको अवधि भेनेजुएलालाई सञ्चालन गर्ने बताएका छन् । अमेरिकी तेल कम्पनीहरूले भेनेजुएलाको खराब पूर्वाधार ठीक गर्ने र देशका लागि पैसा कमाउन थाल्ने ट्रम्पले बताए ।
अमेरिकाले शनिबार भेनेजुएलामा आक्रमण गरेको थियो, जसमा मादुरो र उनकी पत्नीलाई अमेरिकी सेनाले समाते । त्यसपछि अमेरिका लगेका थिए ।
यसैबीच भेनेजुएलाले राष्ट्रिय आपत्काल घोषणा गरेको र सैन्य आक्रमणको भर्त्सना गरेको छ । देशकी उपराष्ट्रपतिले मादुरो नै एकमात्र नेता भएको बताएकी छन् । अमेरिकी महान्यायाधिवक्ताले मादुरो ड्रग र हतियार अभियोगमा पक्राउ परेको बताए ।
