काठमाडौं । जनमत पार्टीका निलम्बित उपाध्यक्ष दीपककुमार साहलाई १० कारण दिइ पार्टीबाटै निष्काशन गरिएको छ।
बिहीबार पार्टीको केन्द्रिय अनुशासन समितिका संयोजक नरेन्द्र प्रसाद चौधरी र सदस्य सचिव अनिता कुमारी मण्डलले संयुक्त हस्ताक्षर गर्दै विधानको १० वटा नियम उल्लंघन गरेको हुँदा पार्टीबाट निष्काशन गरेको पत्र साहलाई पठाएको हो।
साहलाई पार्टीको वैधानिक व्यवस्था र कार्यक्रमको विपक्षमा सार्वजनिक क्रियाकलाप गरेको आरोप छ।
यसअघि साहलाई छ महिनासम्मका लागि सम्पूर्ण पदबाट निलम्बन गरिएको थियो। निलम्बन निर्णय सम्बन्धी आधारभूत प्रमाण र कागजात उपलब्ध नगराइएको भन्दै राष्ट्रिय सूचना आयोगमा पुनरावेदनमा गएका थिए।
