काठमाडौं । पाकिस्तानी सेनाले भारतले आफ्ना तीन सैन्य हवाई अड्डाहरूमा मिसाइल प्रहार गरेको दाबी गरेको छ। भारतले यस्तो दाबीमा अहिलेसम्म कुनै टिप्पणी गरिसकेको छैन ।
सेनाका प्रवक्ता लेफ्टिनेन्ट जनरल अहमद शरीफ चौधरीले सरकारी टेलिभिजनमार्फत पाकिस्तानी सेनाले उचित जवाफ दिने बताए।
उनका अनुसार पाकिस्तानी सेनाको वायु रक्षा प्रणालीले भारतका अधिकांश क्षेप्यास्त्रहरू खसालेको छ। उनले भने, ‘देशको सेना पूर्ण रूपमा तयार छ।’ भारतले निशाना बनाएको दाबी गरेको सैन्य विमानस्थलमध्ये एक रावलपिंडीमा रहेको नूर खान भएको बताइएको छ ।
यसैबी बीबीसी हिन्दीको अर्को समाचारमा भारत विरुद्ध बदला लिने आक्रमण सुरु गरेको पाकिस्तानले बताएको उल्लेख छ ।
पाकिस्तानको सरकारी टिभी र सेनाको जनसम्पर्क विभागका अनुसार भारतले आफ्ना तीन सैन्य हवाई अड्डाहरूलाई निशाना बनाएसँगै ‘अपरेशन बुनयान मरसूस’ नाम दिएर बदलाको कारबाही थालिएको छ ।
