काठमाडौं । ओस्कारको सर्वश्रेष्ठ मौलिक गीत विधामा जितेपछि तेलुगू फिल्म ‘आरआरआर’को विश्वव्यापी चर्चा भइरहेको छ । यो जितपछि अभिनेता रामचरणलाई ‘ग्लोबल आइकन’को रुपमा हेरिएको छ । ओस्कार सकेर स्वदेश फर्किएलगत्तै उनले एक महत्वपूर्ण खुलासा गरेका छन् ।
उनी खेलकुदसँग सम्बन्धित एक उत्कृष्ट फिल्म बनाउने योजनामा छन् । उनले भारतीय क्रिकेटर विराट कोहलीको बायोपिक फिल्म गर्ने तयारीमा रहेको भारतीय सञ्चारमाध्यमले जनाएका छन् । इन्डिया टुडे कन्क्लेभमा रामचरणलाई आगामी फिल्मबारे प्रश्न सोधिएको थियो ।यसबारे जवाफ दिंदै उनले खेलकुदसँग सम्बन्धित फिल्म गर्न चाहेको बताए ।
