काठमाडौं । प्रधानमन्त्री सुशीला कार्कीले संविधानबमोजिम ६ महिनाभित्र आम निर्वाचन गराउन अन्तरिम सरकारको नेतृत्व लिएको बताएकी छन् । संविधान दिवसको अवसरमा टुँडिखेलमा आयोजित कार्यक्रममा उनले आफू शासन गर्ने आकाङ्क्षा बोकेर प्रधानमन्त्री नभएको प्रस्ट पारिन् ।
संक्रमणकालीन परिस्थितिमा युवाहरूको आग्रह स्वीकार गरेर आफूले अन्तरिम सरकारको नेतृत्व लिएको उनको प्रस्टीकरण थियो । चुनाव गराउने मूल दायित्वव भए पनि सरकारले नागरिकको अपेक्षाअनुसार काम गर्ने उनले बताइन् ।
