काठमाडौं । साताको कारोबार हुने पहिलो दिन आइतबार सुनको मूल्यमा नेयाँ रेकर्ड कायम भएको छ । गत साताको अन्तिम दिन शुक्रबार कायम भएको रेकर्ड आज तोडिएको हो ।
आज नेपाली बजारमा सुनको मूल्य २ लाख ३ हजार ६०० रुपैयाँमा कारोबार भएको छ । अघिल्लो कारोबार दिन सुन तोलामा २ लाख ६०० रुपैयाँमा कारोबार भएको थियो । नेपाल सुन चाँदी व्यवसायी महासंघका अनुसार आज सुन तोलामा ३ हजार रुपैयाँले बढेको हो ।
त्यस्तै आज चाँदीको मूल्य पनि हालसम्मकै उच्च विन्दुमा पुगेको छ । आज चाँदीको मूल्य तोलामा ६५ रुपैयाँले बढेर २ हजार ४२५ रुपैयाँ पुगेको छ । अघिल्लो कारोबार दिन चाँदीको मूल्य तोलामा २ हजार ३६० रुपैयाँमा कारोबार भएको थियो ।
