काठमाडौं । हाईलाइफको बासमती चामल बजारमा आएको छ । चिउरा, कर्नफ्लेक्स, चोको प्लस, सोयाबिन, ओट्स, आटा, चियापत्ती, बेसन र अन्य स्वास्थ्यकर खाद्य वस्तुहरूको उत्पादन तथा वितरण गर्दै आएको हाईलाइफले बुधबारदेखि नयाँ प्रोडक्ट बासमती चामल पनि बजारमा ल्याएको हो ।
बुधबार काठमाडौंमा आयोजना गरिएको हाईलाइफ पार्टनर मिटमा कम्पनीका अध्यक्ष अम्बिकाप्रसाद पौडेल लगायतका सञ्चालकले हाइलाइफको नयाँ प्रडक्ट बासमती चामल, पुलाउ बासमती चामल र ‘जिआई राइस’ सार्वजनिक गरे ।
नेपाली उपभोक्ताको स्वाद, पोषण र विश्वासलाई मध्यनजर गर्दै हाईलाइफ फूड्सले नयाँ प्रडक्टका रुपमा प्रिमियम बासमती चामल बजारमा ल्याएको हो ।
लामो दाना, उत्कृष्ट स्वाद र प्राकृतिक सुगन्धले भरिएको यो चामल घरायसी भान्सादेखि रेस्टुरेन्टसम्मका लागि उपयुक्त र गुणस्तरीय विकल्पका रूपमा प्रयोग गर्न सकिने कम्पनीका अध्यक्ष अम्बिकाप्रसाद पौडेलले बताए ।
अन्य बासमती चामलको तुलनामा हाईलाइफ फूड्सको यो बासमती चामल शुद्ध, सफा र पौष्टिक तत्वले पूर्ण रहेको पौडेल बताउँछन् ।
अहिले एक केजी, पाँच केजी र २० केजीको प्याकेट बजारमा ल्याइको छ भने छिट्टै १० केजी र १५ केजीको प्याकेट पनि बजार ल्याउने पौडेलले जानकारी दिए ।
