काठमाडौं । नेपाल सरकारका १४ जना उपसचिवको सरुवा भएको छ । संघीय मामिला तथा सामान्य प्रशासन मन्त्रालयले बिहीबार १४ जना उपसचिवको सरुवा गरेको हो ।
सरुवा गरिएकामध्ये ११ जना मन्त्रालयको अतिरिक्त समूहमा रहेका उपसचिव, एक जना प्रमुख प्रशासकीय अधिकृत र दुई जना जिल्ला समन्वय अधिकारी छन् । जसमा ७ जनालाई विभिन्न नगरपालिकाको प्रमुख प्रशासकीय अधिकृतको जिम्मेवारीमा पठाइएको छ ।
मन्त्रालयले बुधबार मात्रै ११४ जना शाखा अधिकृत र ४ जना विधिक सेवाका उपसचिवको सरुवा तथा पदस्थापन गरेको थियो ।
