काठमाडौं । काठमाडौं उपत्यकामा पानी परेको छ। मंगलबार दिनभर गर्मी भएपनि साँझपख काठमाडौं उपत्यकामा पानी परेको हो । वर्षासँगै तापक्रममा गिरावट आएपछि मौसम शीतल बनेको हो।
मंगलबार दिउँसो काठमाडौंको अधिकतम तापक्रम ३० डिग्री सेल्सियससम्म पुगेको थियो। साँझपख परेको पानीले तापक्रमलाई घटाएर २८ डिग्री सेल्सियसमा झारिदिएको छ। जल तथा मौसम विज्ञान विभागले बुधबारदेखि हल्का वर्षाको सम्भावना रहेकाले पनि जनाएको छ।
केही समययता वर्षा हुन नसक्दा उपत्यका, तराई मधेसलगायत अधिकांश स्थानमा तापक्रम पनि बढेको माहाशाखाले जानकारी दिएको छ।
महाशाखाका मौसमविद् प्रतिमा मानन्धरले हाल देशको पश्चिम र मध्य भू–भागमा पश्चिमी वायु तथा स्थानीय वायुको प्रभाव रहेको तथा कोशी प्रदेशका अधिकांश भू–भागमा मनसुनी वायुको प्रभाव रहेको जानकारी दिए।
