काठमाडौं । आज शुक्रबार नेकपा एमालेको सचिवालय बैठक बस्दै छ ।
एमालेका प्रचार विभाग प्रमुख पृथ्वीसुब्बा गुरुङका अनुसार बैठकमा समसामयिक राजनीतिक विषयवस्तुमा छलफल गरिनेछ ।
उनका अनुसार बैठकमा समानुपातिकतर्फका सांसदको छनोट, निर्वाचन समीक्षालगायतका विषयमा छलफल गरिनेछ। निर्वाचन आयोगले बुधबार राजनीतिक दललाई पत्र पठाउँदै समानुपातिकतर्फको सांसदको नाम पठाउन निर्देशन दिएको छ।
एमालेले प्रतिनिधिसभाको प्रत्यक्ष निर्वाचनमा ४४ सिट र समानुपातिकतर्फ ३४ सिट प्राप्त गरेको छ।
