काठमाडाैं । राष्ट्रियसभाले विभिन्न पाँचवटा अध्यादेश स्वीकृत गरेको छ । बिहीबार बसेको बैठकले पाँचवटा अध्यादेश बहुमतले स्वीकृत गरेको हो । यसअघि ती अध्यादेशहरू बुधबार बसेको प्रतिनिधिसभाको बैठकबाट पनि स्वीकृत भइसकेका थिए ।
अब सरकारलाई अध्यादेश प्रतिस्थापन विधेयक ल्याउने बाटो खुला भएको छ । हिउँदे अधिवेशन नभएको बेलामा जारी भएका ६ वटामध्ये पाँच अध्यादेशमात्रै संसदबाट स्वीकृत भए । भूमिसम्बन्धी अध्यादेशमा सत्तापक्षकै दलहरूको कुरा नमिलेपछि निर्णयार्थ प्रस्तुत हुन सकेन ।
