सुरेश छन्त्याल, गलकोट । बागलुङको गलकोट नगरपालिका १० पाण्डबखानी स्वास्थ चौकीमा निःशुल्क आँखा शिविर सम्पन्न भएको छ । बिहीबारदेखि शुरु भएको शिविरमा दुई सय पाँच जनाले सेवा लिएका छन् ।
जसमध्ये २६ जनाको आँखा अप्रेशन गरिएको गलकोट आँखा उपचार केन्द्र हरिचौरका प्रमुख विनिता पराजुलीले जानकारी दिइन् । उनका अनुसार छिमेकी पालिका बडिगाड गाउँपालिका, गलकोटको रिघालगायतका स्थानीयले सेवा लिएको छन् ।
महिला जागरण केन्द्र पाण्डबखानीको आयोजना, हिमालय आँखा अस्पताल पोखरा, धौलागिरि आँखा अस्पताल बागलुङ, गलकोट आँखा उपचार केन्द्र र आइ केयर फाउण्डेशनको प्राविधिक सहयोग र वडा कार्यालयको आर्थिक सहयोग एवम् पाण्डवखानी स्वास्थ्य चौकीको व्यवस्थापनमा सम्पन्न भएको छ ।
