काठमाडौँ । नेपाली कांग्रेसको केन्द्रीय कार्यसम्पादन समितिको बैठक सुरु भएको छ।
पार्टी केन्द्रीय कार्यालय सानेपामा बुधबार बिहान ११ बजे बस्ने भनिएको बैठक ढिलागरी सुरु भएको हो।
आजको बैठकमा समसामयिक राजनीतिक विषयमा छलफल हुने कांग्रेस मुख्यसचिव कृष्णप्रसाद पौडेलले जानकारी दिए।
बैठकमा केन्द्रीय कार्यसम्पादन समितिका पदाधिकारी एवम् सदस्यहरूको उपस्थिति रहेको छ।
आसन्न उपराष्ट्रपति निर्वाचन, चितवन २ र तनहुँ १ मा हुने उपनिर्वाचनलगायत समसामयिक राजनीतिक विषयमा छलफल हुने जनाइएको छ।
