वीरगञ्ज । विवाद बढ्दै गएपछि ठाकुरराम क्याम्पस वीरगञ्जमा हुने स्ववियु निर्वाचन सारिएको छ।
मतदाता नामावलीको विषयलाई लिएर क्याम्पसमा विवाद चर्किँदै गएपछि चैत ८ गतेका लागि तोकिएको निर्वाचन सारिएको हो।
क्याम्पसमा बुधबार बसेको सर्वदलीय बैठकमा स्ववियु निर्वाचन सार्ने सहमति भएको बैठकमा सहभागी नेपाली कांग्रेस पर्साका सहसचिव नवीन सिंहले जानकारी दिए।
विवाद समाधान नभएपछि तत्कालका लाति स्ववियु चुनाव सार्ने सहमति भएको उनको भनाइ छ।
‘स्ववियु निर्वाचन सार्ने सहमति भएको छ। अब जेठ १३ गते हुन्छ। क्याम्पसले पनि चाँडै यसको सूचना जारी गर्छ’, सहसचिव सिंहले भने।
सहसचिव सिंहका अनुसार अब आगामी जेठ १३ गते स्ववियु निर्वाचन हुनेछ।
