काठमाडौं । नेपाली कम्युनिस्ट पार्टी (नेकपा)ले रोल्पा जिल्लाबाट नेता वर्षमान पुनलाई प्रतिनिधि सभा चुनावको टिकट दिएको छ। नेकपा संयोजक पुष्पकमल दाहाल ‘प्रचण्ड’ले उनालाई शुक्रबार नै टिकट हस्तान्तरण गरेको पुनको सचिवालयले बताएको छ।
रोल्पामा कतिपयले वर्षमान पुन फेरि उम्मेदवार नबन्ने हल्ला चलाएको भन्दै त्यो भ्रामक र तथ्यहीन बताएको सचिवालयले नेपाली कम्युनिस्ट पार्टीको आधिकारिक उम्मेदवार वर्षमान नै भएको बताएको हो।
पुनले २०७४ र २०७९ को चुनाव पनि रोल्पाबाटै जितेका थिए। रोल्पा तत्कालीन नेकपा माओवादीको आधार इलाका मध्ये एक हो।
