काठमाडौं । बागलुङ र पर्वत जोड्ने रामरेखास्थितको पुलबाट एक महिलाले हाम फालेकी छन् । मंगलबार दिउँसो १ः४० बजे बागलुङ नगरपालिका वडा नम्बर १ रामखेलास्थित पाङ जोड्ने पुलबाट हाम फालेकी महिला मृत अवस्थामा फेला परेको जिल्ला प्रहरी कार्यालय बागलुङका एसपी तिलक भारतीले जानकारी दिए ।
पुलबाट हाम फालेकी अन्दाजी २० वर्षीया महिलाको शव कालिगण्डकीमा बगिरहेको अवस्थामा प्रहरीले भेटाएको थियो । मृतक महिलाको परिचय हालसम्म नखुलेको उनको भनाइ छ ।
