विदुर । बाँदरको आक्रमणबाट नुवाकोटमा एक जनाको ज्यान गएको छ। जिल्लाको पन्चकन्या गाउँपालिका २ कविलास कोटथोकका ५८ वर्षीय गोकर्ण नेपालीको बाँकदरको आक्रमणबाट मृत्यु भएको हो।
बाँदरको आक्रमणबाट घाइते भएका नेपालीलाई उपचारका लागि अस्पताल लैजाँदै गर्दा बाटैमा उनको मृत्यु भएको हो ।
नेपालीलाई बुधबार बिहान बाँदरको हुलले आक्रमण गरेको थियो। आफ्नै घरबारी पसेका बाँदर धपाउने क्रममा उनीमाथि आक्रमण भएको थियो।
बाँदरको आक्रमणबाट अचेत भएका उनलाई स्थानीयले उद्धार गरी उपचारका लागि काठमाडौं ल्याउँदै गर्दा मृत्यु भएको हो।
