काठमाडौं । सर्वोच्च अदालतका लागि तीन जना न्यायाधीश सिफारिस भएका छन् । न्यायपरिषद्को मंगलबार बसेको बैठकले वरिष्ठ अधिवक्ता मेघराज पोखरेल, उच्च अदालत जनकपुरका मुख्य न्यायाधीश श्रीकान्त पौडेल र उच्च अदालत दीपायलका मुख्य न्यायाधीश शान्तिसिंह थापालाई सिफारिस गरेको हो ।
सिफारिस सूचीमा परेका पोखरेल सर्वोच्च बार एसोसिएसनका अध्यक्षसमेत हुन् । हाल सर्वोच्च अदालतमा न्यायाधीशका चार पद रिक्त थिए । नयाँ सिफारिसपछि एक पद अझै खाली नै छ ।
