काठमाडाैं । मनकामना भएको माइक्रोबस दुर्घटनाका मृतकको सनाखत भएको छ ।
सहिद लखन गाउँपालिका-३ कान्टारमा सोमबार बिहान ११ बजे भएको माइक्रोबस दुर्घटनामा परी खैरहनी गाउँपालिका-२ टाँडीपर्सा चितवन बस्ने ३७ बर्षका पदमबहादुर दर्जीको मृत्यु भएको हो ।
मनकामनाको दर्शन गरी फर्कने क्रममा भएको सो दुर्घटनामा परी सोही ठाउँका हरिकला परियार, गीता परियार, रितेश परियार, सन्ध्या परियार रुपा परियार घाइते भएका छन् ।
त्यस्तै सञ्चिता आले, प्रमिला राना, बिमला परियार, राजु परियार, सुवना परियार, अभिषेक परियार, अनिशा परियार र अर्जुन परियार घाइते भएका छन् ।
घाइते सबैको तनहुँको आँबुखैरेनी अस्पतालमा उपचार भइरहेको डिएसपी इन्द्रप्रसाद सुवेदीले जानकारी दिए । कच्ची सडकबाट १५ मिटर तल पल्टेर अनटेस्ट इभी माइक्रोबस दुर्घटना भएको डिएसपी सुवेदीले जानकारी दिए ।
