काठमाडौँ । आगामी वैशाख १० गते हुने उपनिर्वाचनका लागि भोलिदेखि आचारसंहिता लाग्ने भएको छ । निर्वाचन आयोगले भोलिदेखि लागु हुने आचारसंहिता निर्वाचन सम्पन्न कायम रहने जनाएको छ ।
आयोगका सहसचिव एवम् प्रवक्ता शालिग्राम शर्मा पौडेलका अनुसार भोलिदेखि सबै तहका सरकार, सरकारी तथा अर्धसरकारी कार्यालय, निकाय र कर्मचारीमा आचारसंहिता लागू हुनेछ ।
त्यसैगरी निर्वाचनमा सहभागी कर्मचारी, राजनीतिक दल तथा राजनीतिक दलको भ्रातृ संगठन, उम्मेदवार तथा सम्बन्धित व्यक्ति, सार्वजनिक पद धारण गरेका व्यक्ति, पर्यवेक्षकले पनि आचारसंहिता पालना गर्नुपर्नेछ । सबै सञ्चारमाध्यम, एनजिओ, विश्वविद्यालय र सामुदायिक विद्यालयका शिक्षक तथा कर्मचारीले पनि आचारसंहिता पालना गर्नुपर्ने छ ।
