काठमाडौं । मन्त्रिपरिषद्को निर्णयबाट १५ सहसचिव सरुवा भएलगत्तै बिहीबार भूमि व्यवस्था, सहकारी, संघीय मामिला तथा सामान्य प्रशासन मन्त्रालयले उपसचिवदेखि नायब सुब्बासम्म ९८ कर्मचारीको सरुवा गरेको हो ।
निजामती ऐन को दफा १८ मा यससम्बन्धी व्यवस्था छ । सरुवाका तालिका निजामती सेवा नियमावलीले स्पष्ट पारेको छ । नियमावलीको नियम ३६ अनुसार, भदौ महिनाभर सामान्य प्रशासन मन्त्रालयले अन्तर मन्त्रालय सरुवाको निर्णय गर्छ । असोज १ देखि १५ सम्म मन्त्रालयका केन्द्रीय विभाग वा निकायले सरुवा गर्छन् भने असोज १६ देखि असोज मसान्तभित्र क्षेत्रीयस्तरको निकायले सरुवा गर्छन् ।
तर, सरकारले ९८ जनाको नियमित तालिकाबाहिर रहेर सरुवा गरेको हो । निजामती ऐनको दफा १८ र नियमावलीको ३६ (ग) ले रिक्त स्थानमा तोकिएको तालिकाभन्दा बाहिर पनि सरुवा गर्न सक्ने सुविधा दिएका छन् ।
सामान्य प्रशासन मन्त्रालयले उपसचिवदेखि नायव सुब्बासम्मको सरुवा तालिका सार्वजनिक गरेको मन्त्रालयका सूचना अधिकारी विवेक घिमिरेले जानकारी दिए ।
सूची हेर्नुहोस्
