काठमाडौं । नेकपा एमालेको जारी महाधिवेशनमा वरिष्ठ उपाध्यक्ष ईश्वर पोखरेल पक्षले पदाधिकारीका केही उम्मेदवार टुंगो लगाएको छ ।
ईश्वर पोखरेल अध्यक्षमा प्रतिस्पर्धा गर्दा यो समूहबाट महासचिवमा सुरेन्द्र पाण्डे भिड्ने भएका छन् । यसैगरी उपमहासचिवमा योगेश भट्टराईलाई उम्मेदवार बनाइनेछ । बाँकी दुई जनाको भने टुंगो लाग्न बाँकी छ ।
सचिवमामा भने कृष्णगोपाल श्रेष्ठ, कर्ण थापा, गोकुल बाँस्कोटा, विनोद ढकाल, ठाकुर गैरे, इन्द्रलाल सापकोटा र रचना खड्काको नाम फाइनल गरिएको छ ।
संस्थापन पक्षबाट अध्यक्षमा केपी शर्मा ओली नै उठ्ने लगभग तय भएको छ । यो समूहले बाँकी उम्मेदवार टुंगो लगाएको छैन । महाधिवेशन अन्तर्गत आज सोमबार बिहान साढे १० बजेदेखि दिउँसो साढे १ बजेसम्म उम्मेदवारी मनोनयनको समय तोकिएको छ ।
उम्मेदवारको अन्तिम नामावली प्रकाशन सोमबार साँझ ६ बजे हुनेछ । मतदान भने भोलि मंगलबार बिहान १० देखि ५ बजेसम्म गर्ने कार्यतालिका छ ।
