काठमाडौं । रुसी सेनामा कार्यरत तीन नेपालीको मृत्यु भएको छ । रुस–युक्रेन जारी युद्धमा थप तीन नेपालीको मृत्यु भएको हो । रुसको मस्कोस्थित रहेको नेपाली दूतावासका अनुसार स्याङ्जाका हरि अर्याल, कैलालीका भरत शाह र धादिङका राजकुमार गिरीको युद्दका क्रममा मृत्यु भएको हो ।
रुसी सेनामा भर्ती भई रुस–युक्रेन युद्धमा यसअघि सात नेपालीको मृत्यु भइसकेको छ । थप तीनजनाको मृत्य भएसँगै रुस–युक्रेन युद्धमा मारिने नेपालीको संख्या १० पुगेको छ ।
यसको अलवा रुसी सेनामा भर्ती भएका चार नेपालीलाई युद्धका क्रममा युक्रेनी सेनाले नियन्त्रणमा लिई युद्धबन्दी बनाएको छ ।
