बागलुङ । स्ववियुको निर्वाचनमा गलकोट बहुमुखी क्याम्पसमा तीन संगठन (नेवि संघ, अनेरास्ववियू, अखिल छैठौं)लाई पराजित गर्दै अखिल क्रान्तिकारीको प्यानलै बिजयी भएको छ ।
मंगलबार भएको निर्वाचनमा नेविसंघकी रेनुका परियारलाई पराजित गर्दै अखिल क्रान्तिकारीका प्रभात साहानी बिजयी भएका हुन् । साहानीले ९९ मत प्राप्त गरेका छन् भने, परियारले ५८ मत प्राप्त गरेकी छन् । यस्तै सचिवमा अखिल क्रान्तिकारीका पवन विकले ८५ मत प्राप्त गरि बिजयी हासिल गरेका छन् ।
उनको प्रतिद्धन्द्धी नेविसंघका अंकिता न्यौपानेले १० र अनेरास्ववियूका पारु घर्तीले ५९ मत प्राप्त गरेकी छन् । यस्तै कोषाध्यक्षमा अखिल क्रान्तिकारीकी स्मृति बुढाथोकीले ८९ मत प्राप्त गरी बिजयी भएकी छन् । उनको प्रतिद्धन्द्धी नेविसंघका अमृत सापकोटाले ६५ मत प्राप्त गरेका छन् ।
यस्तै सदस्यमा अखिलकै निकिता साहानीले ९० मत, सोही संगठनका अजय केसीले ८२ मत र प्रमिला विकले ८८ मत प्राप्त गर्दै बिजयी हासिल गरेको निर्वाचन समितिले जनाएको छ । बिहानबाट शुरु भएको मतदानमा १५८ जनाले मतदान गरेका थिए ।
