बागलुङ जिल्लाको तीन वटा पालिकामा मतगणना जारी रहेको छ । गलकोट नगरपालिका, निसीखोला गाउँपालिका र ताराखोला गाउँपालिकामा मतगणना चलिरहेको छ । जसमध्ये गलकोट नगरपालिकामा कांग्रेसका भरत शर्मा गैरेले ५२९ मत ल्याएर अग्रता लिएका छन् । एमालेका पूर्ण काउचाले ३ सय ५० मत ल्याएका छन् । स्वतन्त्र उमेदवार मञ्जु शर्माको १ सय ५९ मत छ ।
उपप्रमुखमा माओवादीका फमलाल निउरेले ४ सय ९४ मतले अग्रता लिएका छन् । एमालेका रुपा बिकले ३ सय ६५ र स्वतन्त्र उमेदवार तिलक उप्रेतीले ५५ मत पाएका छन् ।
ताराखोला गाउँपालिकामा अध्यक्ष पदमा माओवादीका धनबहादुर बिकले २ सय ९४ मतले अग्रता लिएका छन् । एमालेका ऋषिरम रोकाको ५२ र स्वतन्त्र उमेदवार प्रकाश घर्तीको ९४ मत छ । उपाध्यक्षमा कांग्रेसका भिमबहादुर रोकाको २ सय ९६ मतले अग्रता लिएका छन् । एमालेका थममाया घर्तीले १ सय २ मत पाएका छन् ।
निसीखोलामा पनि गठबन्धनले अग्रता लिएको छ । अध्यक्ष पदमा कांग्रेसका सूर्यबहादुर घर्तीले १सय ४७ मतले अग्रता लिएका हुन् । एमालेका भूमिराज घर्तीमगरले १ सय १३ मत पाएका छ्न । उपाध्यक्षमा माओवादीका प्रेमबहादुर घर्तीले १ सय ५ र एमालेका भोटु चन्दले ७४ मत पाएका छन् । अन्य पालिकामा सर्वदलीय बैठक बसेपछि मतगणना शुरु हुने मुख्य निर्वाचन अधिकृत बासुदेव न्यौपानेले जानकारी दिए ।
