काठमाडौं । नेपाल कम्युनिष्ट पार्टी (माओवादी केन्द्र)ले प्रतिनिधिसभा विघटन गर्ने निर्णयको गम्भीर आपत्ति जनाएको छ । आज साँझ अनलाइनमा बसेको पदाधिकारी बैठकले संसद विघटन गर्नु लोकतन्त्रमाथि गम्भीर प्रहार भएको माओवादी केन्द्रका सचिव देवेन्द्र पौडेलले जानकारी दिए ।
‘जनताबाट निर्वाचित सर्वोच्च निकाय जनताको सार्वभौम संस्था विघटन हुनु लोकतन्त्रमाथि गम्भीर आघात हो,’ उनले भने, ‘हामी यसको घोर निन्दा एवम् खेद प्रकट गर्दछौँ ।’
उनले लोकतन्त्र, संघीयता र संविधानको पक्षमा दृढतापुर्वक उभिन आमजनसमूदायमा अपिल समेत गरेका छन् ।
