एमाले अध्यक्ष ओलीका सुरक्षा प्रमुख इन्स्पेक्टर उमेश थापाकाे मृत्यु

काठमाडौं । नेकपा एमालेका अध्यक्ष तथा पूर्वप्रधानमन्त्री केपी शर्मा ओलीको निवासमा सुरक्षा प्रमुखका रूपमा खटिएका सशस्त्र प्रहरी निरीक्षक (इन्स्पेक्टर) मृत्षु भएकाे छ । जिल्ला प्रहरी परिसर भक्तपुरका प्रवक्ता, डीएसपी राजन कार्कीका अनुसार बालकोटस्थित ओली निवासमा खटिएका सशस्त्र प्रहरीका इन्स्पेक्टर उमेश थापा गएराति मृत्यु भएकाे हाे ।  उनका अनुसार शव पोस्टमार्टमका लागि त्रिवि शिक्षण अस्पताल महाराजगन्ज पठाइएको छ । मृत्युको एकिन कारण खुलिसकेको छैन । नेपाल प्रहरीका केन्द्रीय प्रवक्ता दानबहादुर कार्कीले  घरमै बेहाेर अवस्थामा भेटिएका थापाकाे उचारका लागि अस्पताल लैजाँदै गर्दा मृत्यु बताए ।  'भक्तपुरमा रहेकाे आफ्नै घरमा बिहान वेहोस हुनुभएको रहेछ,' उनले भने न्यूज खरीसँग, 'अस्पताल लैजाँदै गर्दा उहाँकाे मृत्यु भएकाे भन्ने छ, प्रहरीले थप अनुसन्धान सुरू गरेकाे छ ।' पोस्टमार्टम रिपोर्टपछि मृत्युको कारण खुल्ने प्रहरीको भनाइ छ। पूर्वप्रधानमन्त्रीहरूको सुरक्षाका लागि सरकारले सशस्त्र प्रहरीका इन्स्पेक्टर र सई नेतृत्वमा सुरक्षाकर्मीको टोली खटाउने गरेको छ।