गुण्डागर्दी तथा रकम असुलीमा संलग्न दुई जना पक्राउ

काठमाडाैं । प्रहरीले गुण्डागर्दी गर्दै विभिन्न किसिमका धाकधम्की दिने समूहलाई पक्राउ गरेको छ । प्रहरी वृत्त कालिमाटीका अनुसार पक्राउ पर्नेमा काठमाडौं महानगरपालिका-१४ कलंकीस्थित बस्ने  अभिषेक सिंह र कलंकी घर भई बस्ने वर्ष २६ को सुजन कार्की रहेका छन् । उनीहरुले गुण्डागर्दी शैलीमा स्थानीयलाई गाली गलौज गर्दै विभिन्न किसिमका धाकधम्की दिई हातपात तथा लछारपछार समेत गरी अभद्र व्यवहार गरेको प्रहरी वृत्त कालिमाटीले जनाएको छ । प्रहरीका अनुसार प्रतिवादी अभिषेक सिंह बैकिङ कसूर मुद्दामा समेत फरार रहेको पाइएको छ । उनीहरुलाई पक्राउ गरी थप अनुसन्धान भइरहेको प्रहरीले जनाएको छ ।